Frenki de Yongning oʻng tizzasida bogʻlam uzilishi aniqlandi
Barselona" futbolchisi Frenki de Yong tizzasidan jarohat olgan, uning oʻng tizzasida bogʻlam uzilishi aniqlangan.
Frenki de Yongning oʻng tizzasida bogʻlam uzilishi aniqlandi
"Barselona" ijtimoiy tarmoq X'dagi rasmiy sahifasida yarimhimoyachi Frenki de Yong olgan jarohat xususida maʼlumot berdi. Niderlandiya terma jamoasi aʼzosi Jahon chempionati-2026 bahslari paytida tizzasidan jarohat olgan edi.
Klub bayonotida qayd etilishicha, asosiy jamoa futbolchisi Frenki de Yongga oʻtkazilgan tibbiy tekshiruvlar natijasida oʻng tizzasidagi ichki yon bogʻlamning uzilishi aniqlangan.
"Futbolchi konservativ davolash usuli asosida, shifokorlar nazorati ostida muolaja olishda davom etadi. Davolash muddati tiklanish jarayoni qanday kechishiga qarab, kelasi haftalarda qayta koʻrib chiqiladi", — deyiladi kataloniyaliklar rasmiy bayonotida.
Ispaniyaning nufuzli Marca nashri maʼlumotlariga koʻra, 29 yoshli yarimhimoyachiga toʻliq tiklanish uchun kamida bir necha hafta vaqt kerak boʻladi.
