FIFA mundial finalida futbol qoidalarini buzadi

FIFA 2026 yilgi jahon chempionati finalida futbol qoidalaridan chetga chiqishga tayyor. The Times nashri jurnalisti Martin Tsigler xabariga koʻra, mundial finalida taymlar orasidagi tanaffus odatdagidan ancha uzoq – 30 daqiqagacha bo'ladi.

Bu vaqt davomida tomoshabinlarga katta sahna shousi namoyish etilishi rejalashtirilgan.

Jahon chempionati final bahsi yakshanba, 19 iyul kuni boʻlib oʻtadi.

Amaldagi jahon chempioni – Argentina terma jamoasi. 2022 yilgi finalda Lionel Messi boshchiligidagi jamoa Frantsiyani dramatik oʻyinda magʻlub etgan: asosiy va qoʻshimcha vaqt 3:3 hisobida yakunlanib, penaltilar seriyasida argentinaliklar ustun kelgan edi.