Barsa prezidenti Xulian Alvares transferi boʻyicha bayonot berdi

«Barselona» prezidenti Joan Laporta Madridning «Atletiko» klubi va Argentina terma jamoasi hujumchisi Xulian Alvaresni jamoaga olib kelish ehtimoli haqida fikr bildirdi.

- Biz Xulian boʻyicha rasmiy taklif berdik va endilikda qarorni «Atletiko» qabul qiladi. Taklifimiz juda yaxshi, ammo u abadiy kuchda boʻlmaydi.

Flik ham, Deku ham Xulianni jamoada koʻrishni istashyapti... Lekin agar «Atletiko» rozilik bermasa, biz boshqa variantlar ustida ishlaymiz, — dedi Laporta.

Uning soʻzlariga koʻra, kataloniyaliklar hujum chizigʻini kuchaytirish uchun zaxira rejaga ham ega: «Agar Xulian oʻtmasa, B reja bor. Deku ishni toʻxtatgani yoʻq, bir nechta nomzodlar koʻrib chiqilyapti va u klub uchun eng maqbul variantni tanlashi kerak», — deya Laportaning fikrlarini jurnalist va insayder Fabritsio Romano keltiradi.

Eslatib oʻtamiz, Xulian Alvares Argentina terma jamoasi tarkibida 2026 yilgi jahon chempionati finalida Ispaniya jamoasiga qarshi maydonga tushadi.