Manchesterliklar "Chelsi" yulduzi transferi boʻyicha kelishib oldi

«Manchester Yunayted» klubi «Chelsi» bilan yarimhimoyachi Andreya Santosni sotib olish boʻyicha kelishuvga keldi.

The Athletic nashri xabar berishicha, transferning kafolatlangan qismi 56 million evrodan oshib ketadi. Shartnomada yana 2 million evrodan ortiq miqdorda oson bajariladigan bonuslar ham koʻzda tutilgan.

Manbaga koʻra, «Chelsi» kelgusida Santosni boshqa klubga sotishdan tushadigan summaning 10 foizini olish huquqini saqlab qoladi.

22 yoshli futbolchi «Manchester Yunayted» bilan shaxsiy shartlari boʻyicha kelishib olgan va transferni yakunlash uchun safarga chiqishga «Chelsi»dan ruxsat olgan.

Xabarlarda taʼkidlanishicha, «Chelsi» Santosni yuqori baholaydi, biroq futbolchining oʻzi asosiy tarkibda muntazam oʻynashni istamoqda. Bu esa amalda qiyinroq koʻrinadi, chunki yarimhimoyachi Moyses Kaysedo joriy yil aprel oyida klub bilan 2033 yilgacha moʻljallangan yangi shartnoma imzolagani sabab raqobat keskin kuchaygan.