Mundialda gollar rekordi
2026 yilgi jahon chempionatida gollar soni bo'yicha yangi rekord o'rnatildi. 104 ta o'yinda jami 308 ta gol urildi.
2026 yilgi jahon chempionati nafaqat 48 ta terma jamoa ishtirok etgan yangi format bilan, balki bir qator tarixiy rekordlari bilan ham alohida ahamiyat kasb etdi.
AQSh, Kanada va Meksika mezbonlik qilgan turnirda gollar soni, futbolchilar va murabbiylarning shaxsiy yutuqlari boʻyicha bir qator yangi rekordlar oʻrnatildi. Ularning ayrimlari oʻyinlar soni oshgani sababli kutilgan boʻlsa, boshqalari haqiqiy sensatsiyaga aylandi.
Turnirning eng muhim statistik natijasi rekord darajadagi sermahsullik boʻldi. 104 ta oʻyinda jamoalar jami 308 ta gol urdi. Bu Jahon chempionatlari tarixidagi eng yuqori koʻrsatkich hisoblanadi.
Bungachagi rekord 2022 yil Qatardagi mundialda qayd etilgan boʻlib, oʻshanda 64 ta uchrashuvda 172 ta gol urilgan edi.
Biroq turnirlarni toʻgʻridan-toʻgʻri taqqoslash qiyin. Chunki tarixda birinchi marta Jahon chempionati 32 emas, balki 48 ta terma jamoa ishtirokida oʻtkazildi va oʻyinlar soni 64 tadan 104 taga etdi.