Husanov mundialdan xushxabar oldi!
Jahon chempionatida Abduqodir Husanovning ajoyib o'yini ekspertlarning e'tiborini tortdi. U himoyada o'zini namoyon etib, dunyoning eng kuchli hujumchilariga qarshi muvaffaqiyatli o'ynadi.
Husanov mundialdan xushxabar oldi! AQSh, Meksika va Kanada mezbonligidagi jahon chempionatini kuzatib borayotgan ekspertlar futbol olamining eng yuqori nufuzli musobaqasida o'zini namoyon eta olgan futbolchilarni aniqladi.
Mundial kashfiyotlarilan ayrimlari musobaqaga allaqachon superyulduz maqomida kelgan bo'lsa, boshqalari Shimoliy Amerikaga qadam bosganida hali taniqli emas. Turnir davomida esa ular uchun top-klublar navbatga turadigan futbolchilar sifatida qaytmoqda.
Demak, 2026 yilgi jahon chempionatida ekspertlar nazariga tushgan futbolchilar ro'yxati quyidagicha ko'rinish oldi.
Abduqodir Husanov – O'zbekiston
Agar sobiq ittifoq hududidan chiqqan yulduzlar haqida gapiradigan bo'lsak, bu albatta O'zbekiston terma jamoasi himoyachisi Abduqodir Husanovdir. Ha, u haqida avval ham iqtidorli futbolchi sifatida gapirishardi, ammo aynan jahon chempionati uni haqiqiy yulduzga aylantirdi va bu shuhrat allaqachon Osiyo mintaqasidan ancha uzoqlarga va juda keng tarqaldi.
Husanov yakkakurashlarda raqiblarini dodlatdi, himoyada o'yinni aniq tashkil etdi va dunyoning eng kuchli hujumchilariga qarshi ham muvaffaqiyatli o'ynay olishini ko'rsatdi.
Maykl Olise – Frantsiya
Maykl Olise zamonaviy himoya haqidagi tasavvurlardagi stereotiplarni buzdi. Frantsiyalik futbolchi nafaqat raqib himoyachilarini o'z tomoniga jalb qilib, sheriklari uchun bo'sh hududlar yaratdi, balki turnirning eng ijodkor futbolchisi sifatida ham e'tirof etildi.
Vozinya – Kabo-Verde
Kabo-Verde terma jamoasining bosh qahramoni darvozabon Vozinya (asl ismi Jozimar Diash) bo'ldi. Uning seyvlari orolliklar jamoasiga mashhur yulduzlarga qarshi munosib kurash olib borish imkonini berdi, Argentinaga qarshi o'yin esa uni turnir ramzlaridan biriga aylantirdi.
Vozinyaning tarixi jahon chempionati bir necha hafta ichida ilgari faqat Afrika futboli muxlislarigina taniydigan futbolchini butun dunyoga mashhur qilishi mumkinligini yana bir bor isbotladi.
Lamin Yamal – Ispaniya
Yosh iqtidorlar haqida gap ketganda Lamin Yamalni eslamaslikning iloji yo'q. Turnir boshlanishidan avval ham u ko'tarilayotgan yulduz sifatida tanilgan edi, ammo aynan 2026 yilgi jahon chempionatida uning oddiy iste'dodli o'smir emas, balki eng muhim uchrashuvlar taqdirini hal qila oladigan haqiqiy etakchi ekani namoyon bo'ldi.
Erling Haaland – Norvegiya
Jahon chempionati yangi nomlarni ochib berishining eng yorqin misoli Norvegiya bo'ldi. Albatta, Erling Xolandni butun dunyo avvaldan yaxshi taniydi, ammo aynan uning muvaffaqiyatli o'yini va akrobatik gollari sabab muxlislar e'tibori butun Norvegiya terma jamoasiga qaratildi.
Jahon chempionati har doim iqtidorlar uchun eng yaxshi namoyish maydoni bo'lib kelgan. 2026 yilgi tarixiy jahon chempionati buni yana bir bor isbotladi: bir oy ichida nafaqat karerani o'zgartirish, balki jahon futboli tarixiga kirish ham mumkinligi amalda o'z isbotini topdi.