Harri Keynning kelajagi haqida maxfiy ma'lumot chiqardi

«Bavariya» hujumchisi Harri Keynning kelajagi hali ham Evropaning bir qator etakchi klublari diqqat markazida turibdi. TEAMtalk ma'lumotiga ko'ra, vaziyat rivojini «Barselona», «Real», «Manchester Yunayted», «Chelsi» va «Manchester Siti» klublari yaqindan kuzatib bormoqda.

Shu bilan birga, myunxenliklar ingliz forvardining ketib qolishi ehtimolidan jiddiy xavotir olmayapti. Klub rahbariyati Keyn yangi shartnoma imzolashiga ishonyapti. Futbolchi vakillari bilan muzokaralar bir necha oydan beri davom etmoqda va «Bavariya»da bu masala faqat kelishuv muddatiga borib taqalishini ta'kidlashmoqda.

Yangi bitim yil oxiriga qadar yoki yanvarda rasmiylashtirilishi kutilyapti.

Hozirgi paytda 32 yoshli hujumchining amaldagi shartnomasi 2027 yil yozigacha mo'ljallangan.

Keyn atrofidagi vaziyatga eng katta qiziqish bildirayotgan klublardan biri — «Tottenxem». London jamoasi futbolchini sotish bo'yicha kelishuvga kiritilgan maxsus bandlar tufayli o'zining sobiq sardori holati haqida doimiy ravishda ma'lumot olib turish imkoniyatiga ega.

Forvardga Saudiya Pro-ligasi klublari tomonidan ham qiziqish saqlanib qolmoqda. Biroq Keynning o'zi hozircha Yaqin Sharqqa ko'chib o'tishni rejalashtirayotgani yo'q. Agar u kelajakda Evropani tark etishga qaror qilsa, u holda u uchun eng maqbul yo'nalish sifatida MLS ko'rilmoqda. Shu bilan birga, bu variant hozircha yaqin vaqt ichida amalga oshadigan stsenariy sifatida ko'rilmayapti.