FBR JCh-2026 paytida Argentina futbol federatsiyasiga nisbatan tergov boshladi
AQSh Federal tergov byurosi (FBR) Argentina futbol federatsiyasi faoliyati boʻyicha pul yuvish va moliyaviy qonunbuzarliklar shubhasi asosida tekshiruv boshlagani maʼlum qilindi.
AQSh Federal tergov byurosi (FBR) Argentina futbol federatsiyasi (AFA) faoliyati boʻyicha pul yuvish va moliyaviy qonunbuzarliklar shubhasi asosida tekshiruv boshlagani maʼlum qilindi.
EasySport maʼlumotlariga koʻra, tergov AQSh federal prokuraturasi bilan hamkorlikda olib borilmoqda. Mutaxassislar AFAning Amerika Qoʻshma Shtatlari hududidagi tijorat faoliyatini oʻrganmoqda. Jumladan, moliyaviy operatsiyalar amalga oshirilishi jarayonida AQSh qonunchiligi buzilgan-buzilmagani tekshirilyapti.
Xabarga koʻra, diqqat markazida 300 million dollardan ortiq mablagʻqa teng tranzaktsiyalar turibdi. Bu mablagʻlar sponsorlik shartnomalari, mediahuquqlarni sotish va boshqa tijorat kelishuvlari bilan bogʻliq. Argentina nashri La Nación yozishicha, tergov doirasida ushbu daromadlarni boshqarishda ishtirok etgan kompaniyalar faoliyati ham alohida oʻrganilmoqda.
Ayni paytga qadar hech bir shaxsga rasmiy ayblov qoʻyilmagani, tekshiruv ishlari esa davom etayotgani taʼkidlanmoqda.
Maydondon tashqaridagi bu vaziyatga qaramasdan, tergov jarayoni Argentina terma jamoasining jahon chempionati–2026 dagi ishtirokiga taʼsir koʻrsatmagan. Amaldagi jahon chempionlari oʻz unvonini himoya qilish uchun kurashni davom ettirmoqda.