Bokschi qizlarimiz Osiyoni "titratdi"

Jakartada (Indoneziya) ayollar o'rtasida 19 va 23 yoshgacha bo'lgan bokschilar ishtirokidagi 2026 yilgi Osiyo chempionati yakunlandi.

23 yoshgacha bo'lgan sportchilar (U-23) o'rtasidagi musobaqada umumjamoaviy hisobda O'zbekiston terma jamoasi mutlaq etakchi bo'ldi. Qo'shni Qozog'iston ikkinchi o'rinni egallagan bo'lsa, uchinchi pog'onaga Hindiston jamoasi ko'tarildi. Medallar taqsimoti quyidagicha shakllandi:

1. O'zbekiston — 6-1-2 (jami 9 medal); 2. Qozog'iston — 3-3-2 (8); 3. Hindiston — 1-4-4 (9); 4. Yaponiya — 0-1-2 (3); 5. Mo'g'uliston — 0-1-0 (1); 6. Janubiy Koreya — 0-0-3 (3); 7. Indoneziya — 0-0-2 (2); 8. Qirg'iziston — 0-0-1 (1); 8. Vetnam — 0-0-1 (1).

19 yoshgacha bo'lganlar (U-19) o'rtasida ham etakchilar uchligi o'zgarmadi: birinchi o'rinni yana O'zbekiston, ikkinchini Qozog'iston, uchinchi o'rinni esa Hindiston egalladi. Ushbu yosh toifasidagi medallar taqsimoti quyidagicha:

1. O'zbekiston — 4-2-0 (6); 2. Qozog'iston — 3-0-3 (6); 3. Hindiston — 2-6-0 (8); 4. Indoneziya — 1-1-0 (2); 5. Tayvan — 0-1-3 (4); 6. Yaponiya — 0-0-4 (4); 6. Vetnam — 0-0-4 (4); 8. Qirg'iziston — 0-0-2 (2); 9. Tailand — 0-0-1 (1); 9. Tojikiston — 0-0-1 (1); 9. Janubiy Koreya — 0-0-1 (1); 9. Mo'g'uliston — 0-0-1 (1).

Ma'lumot uchun, Jakartada shu bilan birga erkaklar o'rtasida 19 va 23 yoshgacha bo'lgan bokschilar ishtirokidagi Osiyo chempionati ham o'tkazilmoqda. Ushbu musobaqada final janglari payshanba, 16 iyul kuni bo'lib o'tadi.