Barselona: Dushan Vlaxovich transferi qiziqsiz

Barselona bosh murabbiyi Xans-Diter Flik Dushan Vlaxovich transferini ko'rib chiqishga hojat yo'q ekanini ta'kidladi. Serbiya terma jamoasi hujumchisi Dushan Vlaxovichning ehtimoliy transferi «Barselona» rahbariyatini qiziqtirmadi.

Mundo Deportivo nashri yozishicha, Vlaxovichning agentlari uning nomzodini Kataloniya klubiga taklif qilgan. Ammo Ispaniya chempioni bosh murabbiyi Xans-Diter Flik, jamoani Robert Levandovski tark etganiga qaramay, bu variantni ko'rib chiqishga ham hojat yo'q ekanini ta'kidladi.

Ma'lumotlarga ko'ra, 26 yoshli Vlaxovich 30 iyundan erkin agentga aylandi. Uning maosh bo'yicha talablari Turinning «Yuventus» klubini qoniqtirmagani uchun italiyaliklar hujumchi bilan shartnomani uzaytirishdan voz kechgan.

Bundan tashqari, Dushan Vlaxovich agentlari kataloniyaliklardan o'z mijozi uchun yillik sakkiz million evro maosh va jamoani tanlagani evaziga 15 million evro bonus talab qilgan.

Ayni paytda Dushanga Turkiyaning «Beshiktash» klubidan aniq taklif bor. Shunga qaramay, serbiyalik futbolchi hozircha eng kuchli chempionatlardan biri klubi bilan shartnoma imzolash umidini saqlab qolmoqda.