Frantsiya Ispaniyaga qarshi o'yinda mag'lub bo'ldi
Frantsiya terma jamoasi Ispaniyaga qarshi yarim final o'yinida mag'lub bo'ldi. O'yinda Maykl Olise, Kilian Mbappe va Usmon Dembele kutilgan darajada o'ynay olmadi.
Jahon chempionati yarim final bosqichiga qadar eng ko'p maqtov eshitgan terma jamoa – Frantsiya edi. Ko'pchilik Dide Desham shogirdlarini uchinchi marta ketma-ket jahon chempionati finaliga chiqadi, deb kutgan. Ammo Ispaniyaga qarshi yarim finalda bu jamoa mutlaqo boshqa qiyofada maydonga tushdi va natijada mantiqiy tarzda mag'lubiyatga uchradi.
Frantsiya terma jamoasi yulduzlarga to'la bo'lishiga qaramay, bu safar «uch ranglilar»ni biror etakchi qutqarib qololmadi.
Eng yuqori baho – 10 ball (o'yin boshidagi start bahosi – 6,0).
MAYKL OLISE – 3,0. Chempionat oldidan Olise raqiblarni yakkalab yuborishga qodir futbolchi sifatida ta'riflangandi. Ammo, ko'rinib turibdiki, Ispaniya bu «hamma» qatoriga kirmas ekan. Maykl deyarli hech narsa ko'rsata olmadi: birorta ham samarali dribling amalga oshirmadi, aksincha, yigirmaga yaqin hujumni yo'qotishlar bilan barbod qildi.
KILIAN MBAPPE va USMON DEMBELE – har biriga 3,0. Bu ikki hujumchi ham deyarli bir xil manzarani namoyon etdi. Ular uyg'onib, o'yinga kirishguncha yo kech, yo juda kech bo'lib qoldi.
LYuKA DIN – 3,0. Frantsiya yomon o'ynadi, sust harakat qildi, kuchsiz ko'rindi – bu haqiqat. Lekin o'yin boshqacha yo'nalish olishi ham mumkin edi, agar Lyuka Din birinchi bo'lim o'rtasida juda qo'pol ravishda penalti «sovg'a» qilmaganida.