U-17 O'zbekiston terma jamoasi Osiyo kubogi chorak finaliga chiqdi
O'zbekistonning 17 yoshgacha bo'lgan o'smir futbolchilari Osiyo kubogi guruh bosqichining ikkinchi o'yinida Hindiston ustidan g'alaba qozondi.
O'zbekistonning 17 yoshgacha bo'lgan o'smir futbolchilari Osiyo kubogi guruh bosqichining ikkinchi o'yinida Hindiston ustidan g'alaba qozondi. 10-may kuni Jiddada (Saudiya Arabistoni) bo'lib o'tgan uchrashuv 3:0 hisobi bilan yakunlandi.
Ushbu g'alaba turnirning amaldagi chempionlariga chorak final yo'llanmasini hamda 2026-yilning noyabr oyida Qatarda bo'lib o'tadigan U-17 jahon chempionati yo'llanmasini takdim etdi.
O'zbekiston terma jamoasining asosiy tarkibida Olimjon Shomurodov, Muhammad Hakimov, Amirkhon Erkinov, Islom Ravshonov, Suhrab Sadirjonov, Mirjamol Anvarov, Muhammadodilxon Orifxonov, Adis Abdunabiyev, Laziz Abduraimov, Abubakir Rahimov, Muhammad Mamатов maydonga tushdi.
Uchrashuvning 32-daqiqasida Hindiston terma jamoasi darvozaboni Rajrup Sarkar tomonidan ishlatilgan qo'pollikdan so'ng belgilangan penaltini Laziz Abduraimov aniq amalga oshirib, hisobni ochdi.
Ikkinchi bo'limda O'zbekiston vakillari ustunlikni mustahkamladi: 60-daqiqada burchakdan uzatilgan to'pdan so'ng hindistonlik himoyachi Denny Singh o'z darvozasini ishgal qilib qo'ydi.
O'yinga yakuniy nuqtani 78-daqiqada hujumni muvaffaqiyatli yakunlagan Ahrorbek Ravshanbekov qo'ydi.
Shimoliy Koreya turnirda ishtirok etishdan bosh tortgach, D guruhida uchta jamoa - O'zbekiston, Avstraliya va Hindiston qoldi.
Osiyo futbol konfederatsiyasi ma'lumotlariga ko'ra, O'zbekistonning ushbu g'alabasi Avstraliya terma jamoasiga ham muddatidan avval keyingi bosqichga chiqish imkonini berdi.
Endi mazkur jamoalar 13-may kuni soat 21:00 da o'zaro bahs olib borishadi va ushbu o'yinda D guruh g'olibi aniqlanadi.
Guruh bosqichining ilk turda O'zbekiston o'smiri Avstraliya bilan 1:1 hisobi bilan durang o'ynagan edi. Hindiston esa bundan avval Avstraliyaga 0:4 hisobi bilan imkoniyatni boy bergandi.
Eslatib o'tamiz, o'tgan yilning aprel oyida O'zbekiston o'smir terma jamoasi Saudiya Arabistonini 2:0 hisobi bilan mag'lub etib, Osiyo kubogi g'olibiga aylanib, U-17 jahon chempionatiga yo'llanma oldi.