Toshkentda para engil atletika bo'yicha jahon chempionati bo'lib o'tadi

Toshkent shahri 2027-yilgi para engil atletika bo'yicha jahon chempionatiga mezbon sifatida rasman tasdiqlandi. Mazkur nufuzli musobaqa nafaqat O'zbekiston, balki Markaziy Osiyo hududida ilk bor o'tkaziladi.

Dunyo birinchi ligasi 2027-yilning iyun oyida poytaxtimizdagi "Olimpiya shaharchasi"da joylashgan "Olimpiya" stadionida o'tadi.

Toshkent-2027 musobaqasi tartib bo'yicha XIII para engil atletika jahon chempionati hisoblanadi. Ushbu musobaqa Osiyo qit'asida beshinchi marta tashkil etiladi. Avvalgi mezbonlar qatorida Doha (2015), Dubay (2019), Kobe (2024) hamda Nyu Deli (2025) shaharlari bor.

Musobaqada 100 dan ortiq mamlakatlardan taxminan 1 300 nafar sportchi ishtirok etishi kutilmokda. Bu orqali ushbu jahon chempionati Markaziy Osiyo mintaqasining tarixidagi eng yirik xalqaro para sport tadbiriga aylanadi. Musobaqa dasturi Paralimpiya o'yinlari dasturiga mos holda shakllantiriladi.

Bu haqda O'zbekiston Respublikasi Sport vazirligi xabar bermoqda.