Supergol urgan Shomurodov oʻyindan keyin oʻtkir gapirdi
Oʻzbekiston milliy terma jamoasi sardori Eldor Shomurodov 2026 yilgi jahon chempionatidagi ishtiroki haqida fikr bildirdi.
Jahon chempionatida ilk bora qatnashgan Oʻzbekiston milliy terma jamoasi uchun dastlabki tajriba omadsiz keldi. Futbolchialarimiz xarchand harakat qilmasin, guruh bosqichidagi uchala uchrashuvda raqiblarga imkoniyatni boy berdi.
Oʻzbekiston milliy jamoasi sardori Eldor Shomurodov jamoaning 2026 yilgi jahon chempionatidan guruh bosqichidaoq chiqib ketgani haqida fikr bildirdi. Maʼlumki, terma jamoa barcha uch uchrashuvda magʻlubiyatga uchrab, birorta ham ochko toʻplay olmadi. Shomurodov musobaqada bitta gol muallifi boʻldi.
«Endi oʻzimizdagi zaif tomonlarni aniq koʻrdik. Jahon chempionati darajasida oʻzimizni sinab oldik. Ayniqsa, Kolumbiya va Portugaliyaga qarshi oʻyinlar esda qoladi. Agar 0 ochko olgan boʻlsak, demak, hozirgi holatimiz, darajamiz shu. Endi asosiy vazifa — oʻsish, rivojlanish. Muxlislardan ularni xursand qila olmaganimiz uchun uzr soʻrayman», — deya Shomurodovning soʻzlarini «Chempionat» nashri muxbiri Andrey Pankov keltiradi.
Eslatib oʻtamiz, Oʻzbekiston terma jamoasi avvalroq DR Kongo va Kolumbiyaga 1:3 hisobida magʻlub boʻlgan, Portugaliyaga qarshi bahs esa yirik 0:5 hisobida yakunlangan edi.