Real Madrid "Inter"dan Bastonini sotib olish uchun Niko Pastsdan foydalanishi mumkin

"Real Madrid" yarim himoyachi Niko Pasts boʻyicha qaytarib sotib olish bandini ishga tushirish arafasida turibdi. AS nashri maʼlumotiga koʻra, madridliklar futbolchini "Komo" klubidan 9 million evro evaziga qaytarib olishni rejalashtirmoqda.

Italiyaning "Komo" jamoasi Pastsdan voz kechishni istamayapti. Biroq klub rahbariyati "Real" belgilab qoʻygan 60 million evrolik keyingi transfer narxini juda yuqori deb hisoblamoqda.

Manbaga koʻra, shu paytda "Inter" ham argentinalik yarim himoyachini qoʻlga kiritish uchun jiddiy harakat qilmoqda. Milan klubi Pastsni "har qanday holatda" oʻz safiga qoʻshib olishni xohlayotgani aytilmoqda.

"Real" bosh murabbiyi Joze Mourino esa "Inter"ning markaziy himoyachisi Alessandro Bastoniga katta qiziqish bildirmoqda. Shu bois Niko Pasts Bastonining Madrid klubiga oʻtishi mumkin boʻlgan kelishuvning bir qismiga aylanishi ehtimoli bor. Xabarda taʼkidlanishicha, milanliklar 27 yoshli himoyachining transferini 70 million evro atrofida baholamoqda.

Oʻtgan mavsumda Bastoni barcha musobaqalar doirasida 40 ta oʻyinda maydonga tushdi. U shu vaqt mobaynida ikki gol urdi va olti golli uzatma amalga oshirdi. Futbolchining amaldagi shartnomasi 2028 yil yoziga qadar moʻljallangan.

Transfermarkt portali maʼlumotlariga koʻra, Alessandro Bastonining bozor qiymati 65 million evroni tashkil etadi.