Oʻzbekiston terma jamoasi jahon chempionatiga chiqishga muvaffaq boʻldi
AQShning nufuzli sayti Times Union Oʻzbekiston milliy terma jamoasi haqida maqola chop etdi. Maqolada terma jamoaning jahon chempionatiga chiqish yoʻli, sardor Eldor Shomurodov va boshqa futbolchilar haqida maʼlumot berilgan.
Oʻzbekiston terma jamoasi jahon chempionatiga chiqishga muvaffaq boʻldi. AQShning nufuzli sayti Times Union Oʻzbekiston milliy terma jamoasi haqida maqola chop etdi.
Oʻzbekiston milliy terma jamoasi ilgari jahon chempionatiga chiqa olmagan eng kuchli jamoalardan biri sifatida keng tanilgan. Mamlakat 1991 yilda mustaqillikka erishganidan keyin jamoa ketma-ket etti marta saralash bosqichida omadsizlikka uchradi – koʻp hollarda juda kichik farq bilan yoʻllanmani boy berdi.
Qudratli jamoa doim qandaydir toʻsiqqa duch kelardi. Ammo endi hammasi boshqacha boʻldi. Yoʻllanma qanday olindi? 34 yillik omadsiz urinishlardan keyin “Oq boʻrilar” nihoyat maqsadga erishdi va Osiyo futbol konfederatsiyasi (OFK) saralashining uchinchi bosqichida oʻz guruhida ikkinchi oʻrindan joy olib, tarixdagi ilk jahon chempionati yoʻllanmasini qoʻlga kiritdi.
Oʻzbeklar 10 ta oʻyinda oltita gʻalaba, uchta durang qayd etib, faqat bir marotaba magʻlubiyatga uchradi, safarda Qatarga qarshi bahsda 2:3 hisobida yutqazdi.
Qiziqarli fakt – Oʻzbekiston FIFA jahon chempionatiga chiqqan Markaziy Osiyodagi ilk mamlakatga aylandi.
Yulduz futbolchilar – Eldor Shomurodov – jamoa sardori va terma jamoa tarixidagi eng yaxshi toʻpurar boʻlib, 90 oʻyinda 44 ta gol urgan. Abbosbek Fayzullaev esa chaqqon va ijodkor pleymeyker boʻlib, 2023 yil OFKning eng yaxshi yosh futbolchisi sovrinini qoʻlga kiritgan.
Jahon reytingida 50-oʻrinda turgan va mundialning “K” guruhidan joy olgan Oʻzbekistonning haqiqiy kuchi raqiblar uchun nomaʼlum. Bu terma jamoa guruhdan chiqish uchun real imkoniyatlarga ega. Oʻzbekiston milliy terma jamoasi tarixidagi ilk mundialini Meksikadagi afsonaviy “Atsteka” stadionida Kolumbiyaga qarshi bahs bilan boshlaydi.