“Манчестер Сити” ярим ҳимоячиси Райан Шерки Ламин Ямалдан устун
Жорж Микаутадзе Райан Шеркини Ламин Ямалдан устун деб атadi. Шерки “Манчестер Сити”da яхши оʻynamoqda.
“Манчестер Сити” ярим ҳимоячиси Райан Шерки ҳақида унинг собиқ жамоадоши Жорж Микаутадзе фикр билдириб, франциялик футболчига катта баҳо берди.
Ҳозир “Вильярреал” сафида ҳаракат қилаётган ҳужумчи илгари ўзи билан бирга “Лион”да ўйнаган Шеркини “Барселона” юлдузи Ламин Ямалдан устун қўйди.
- Футболчи сифатида бундай ўйинчиларни кўриш ёқади. Шерки Ямалдан кучлироқ. Чунки Шерки – бу Шерки. У икки оёқда ҳам бирдек яхши ўйнайди. Унда майдонни кўриш қобилияти кучли, гол уради, голли вазият яратади, стандартларни ижро этади. У ҳаммасини қила олади, - деди Жорж Микаутадзе Canal Plus журналистларига берган интервьюсида.
Микаутадзе ўтган мавсум “Лион”да Шерки билан бирга тўп сурган ва улар 34 учрашувда бирга майдонга тушган.
22 ёшли Шерки ўтган ёзда 34 миллион фунт эвазига “Лион”дан “Манчестер Сити”га трансфер қилинди. У дебют мавсумидаёқ жамоанинг энг яхши футболчиларидан бирига айланди.
Жорий мавсумда француз футболчиси барча мусобақаларда 46 ўйинда қатнашиб, 23 та голда бевосита иштирок этди.