FutbolYangiliklar

«Manchester Siti» ning 21 o‘yinlik g‘alabali seriyasiga barham berildi

Angliya Premer-ligasi 27-turi doirasidagi markaziy uchrashuv «Manchester Siti» hamda «Manchester Yunayted» o‘rtasida kechdi.

«Manchester derbisi»dagi peshqadamlar o‘rtasidagi bahsning 1-daqiqasidayoq Marsiyal penalti ishladi va Brunu Fernandesh chempionatdagi 16-golini kiritib, «Yunayted»ni hisobda oldinga chiqardi – 0:1.

Ikkinchi bo‘limning boshida esa farq ikkitaga oshdi. 50-daqiqada darvozabon Henderson boshlab bergan hujumni Shou jarima maydoni yaqinigacha olib borib, Reshford bilan kombinatsiya uyushtirdi va chap oyoqda Edersonning uzoq burchagini aniq nishonga oldi – 0:2.

Ushbu goldan keyin Gvardiola shogirdlari hujumkorlikni oshirgan bo‘lishiga qaramay, Sulsher jamoasi himoyada ham yaxshi harakat qilib, yakunda muhim g‘alabaga erishib, 54 ochko bilan 2-o‘ringa qaytdi. «Siti» esa 65 ochko bilan 1-o‘rinda bormoqda.

Ushbu g‘alaba bilan «MYU» «Manchester Siti»ning 21 o‘yinlik g‘alabali seriyasiga chek qo‘ydi. 

APL. 27-tur.
Manchester Siti – Manchester Yunayted 0:2
Gollar
: 0:1 – 2, penalti Brunu Fernandesh, 0:2 – 50 Shou.
Manchester Siti – Ederson, Joau Kanselu (Uoker, 65), Stounz, Ruben Diash, Zinchenko, Rodri, de Bryuyne, Sterling, Gundo‘g‘an, Mahrez, Gabriel Jezus (Foden, 70).
Manchester Yunayted – Henderson, Lindelef, Shou, Maguayr, Uan-Bissaka, Fred, Brunu Fernandesh, Maktomini, Jeyms, Marsyal, Reshford (Grinvud, 73).

Manba: TRIBUNA.UZ

Mavzuga oid yangiliklar

Fikr bildirish

Email manzilingiz chop etilmaydi.

Buni ham o'qishni maslahat beramiz
Close
Back to top button